Պարսկական թառ ET-202

• Վարպետ: Afshari
• Իրան: թթենի
• Վիզ: թթենի
• Գրիֆ: ոսկոր
• Ականջներ: ընկուզենի

Հավաքածուն ներառում է:

• Կոշտ պատյան 
• Մեզրաբ (մեդիատոր) 
• Լրացուցիչ լարեր

Թառի մասին: 

Թառը երկարավիզ լարային նվագարան է, որն օգտագործվում է Իրանում, Ադրբեջանում, Վրաստանում, Հայաստանում և մասամբ Թուրքիայում։ Պարսկերեն այն նշանակում է «լար»։ Թառ նվագողին անվանում են թառահար։ Այս նվագարանն ունի երկուսուկես օկտավա ընդգրկույթ։ 8 տարի առաջ ՅՈՒՆԵՍԿՕ-ն այն ընդգրկել է Համաշխարհային ժառանգության ցանկում։

Երեք մասից բաղկացած իրանի պատրաստման համար օգտագործվում է 3 տարբեր ծառատեսակ։ Իրանը բաղկացած է տարբեր չափերի երկու թասից և սովորաբար պատրաստվում է թթենու փայտից։ Թթենին օգտագործվում է, որպեսզի իրանը փորագրելիս ճաքեր չառաջանան, և ձայնն ավելի գեղեցիկ լինի։ Վիզը սովորաբար պատրաստվում է ավելի կարծր փայտերից, օրինակ՝ ընկուզենուց։ Գլխիկ կոչվող մասի համար օգտագործվում է պնդուկենու փայտ։

Պարսկական թառի տեսակները բաժանվում են չորսի՝ մենակատարային թառ՝ 86-89 սմ երկարությամբ, նվագախմբային թառ՝ 83-86 սմ երկարությամբ, ուսանողական թառ՝ 72-76 սմ երկարությամբ, և կուրա թառ։

Պարսկական թառը կարելի է լարել տարբեր ձևերով։ Սակայն որոշ դաստգահների համար որոշ լարվածքներ ավելի նախընտրելի են, քան մյուսները։ Թառի ընդգրկույթը գրեթե երկուսուկես օկտավա է։ Գրիֆն ունի քսանհինգից քսանութ կարգավորվող աղիքային փարդա։ Այդ փարդաները ցույց են տալիս նոտաների տեղը և պատրաստված են ոչխարի աղիքից։ Պարսկական թառը նվագում են մեդիատորով, որը սովորաբար պատրաստված է արույրից և ունի 3 սմ երկարություն։ Մեդիատորի կեսը պատված է մոմով, որպեսզի կատարողը հեշտությամբ բռնի այն։ Վերջերս արտադրվում են նաև պլաստիկե մեդիատորներ։

Թեև պարսկական թառի ձայնը նման է մանդոլինի, ջումբուշի և բուզուկիի ձայնին, այն ունի նվագելու այլ տեխնիկա և ռեպերտուար։

Պարսկական թառ։